پنجاب اورسندھ میں پانی کا تنازع حل ہو گیا

 لاہور:  سندھ اور پنجاب کے درمیان پانی کی منصفانہ تقسیم نہ ہونے اور چوری جیسے سنگین صورتحال پر مشتمل درینہ تنازع حل ہو ہی گیا۔

پنجاب نے بڑے بھائی کا کردار ایک بار پھر ادا کرتے ہوئے سندھ کے اعتراضات کو تسلیم کرتے ہوئے واپڈا کے غیر جانبدار مبصرین کی تعیناتی ختم کر دی۔ دونوں صوبوں کی مشاورت سے ارسا واپڈا کے بجائے اب غیر جانبدار مبصرین تعینات کرے گا۔

دونوں صوبوں نے اتفاق رائے سے پانی کے معاملات کو حل کرنے پر رضامند ی ظاہر کرتے ہوئے 3روز میں پانی کا ڈسچارج ٹیبل مرتب کریں گے۔

صوبہ پنجاب اور سندھ کے محکمہ آبپاشی کے نمائندے کسی بھی وقت بیراجوں کا اچانک معائنہ بھی کر سکیں گے اور دنوں صوبوں کے ڈیوٹی پر موجود نمائندے پانی کی آمد اور اخراج کا ریکارڈ فراہم کرنے کے مجاز ہونگے تاکہ صوبوں کے درمیان پانی کی منصفانہ تقسیم اور چوری جیسے سنگین الزامات کا معاملہ بھی ختم ہو سکے۔

The post پنجاب اورسندھ میں پانی کا تنازع حل ہو گیا appeared first on ایکسپریس اردو.

source https://www.express.pk/story/2191005/1